ZITTO Z. KABWE AWAFAFANULIA HAYA WAPIGA KURA WAKE

ACT Wazalendo inataka kubadili miradi ya barabara za Ujiji? HAPANA.
Manispaa yetu ina Mradi wa tshs 9bn kujenga barabara na kujenga mfereji wa Lubengela. Barabara inayojengwa ni 1.1km katika Mtaa wa Rusimbi, Ujiji. Kwa mujibu wa mkataba barabara hii inajengwa kwa tshs 2.5bn ( ? ).
Hoja iliyopo mezani ni inawezekana vipi Manispaa yetu kujenga barabara Urefu huo kwa tshs 2.5bn?
TANROADS mkoa wa Kigoma imejenga barabara ya Bushabani katika Manispaa jumla ya 4km kwa tshs 1.7bn. Sisi tunawezaje kujenga 1.1km kwa tshs 2.5bn?
Hii ndio hoja tunayojadili na sio kubadili Mradi kuutoa Ujiji. Lengo letu ni kujenga barabara nyingi zaidi za Lami kwa kutumia Fedha hiyo hiyo. Kwa mfano barabara ya Shindika - Jihad - Kagashe inayounganisha kata za Buzebazeba na Katubuka kuelekea Uwanja wa ndege na Barabara ya Mwami Rusimbi, Gungu ni miongoni mwa barabara ambazo tungeweza kutengeneza kwa pamoja na barabara ya Rusimbi.
Kuhuisha mji wa Ujiji ni kipaumbele kikubwa sana cha ACT Wazalendo. Ndio maana tunajenga Bandari Forodha ya Ujiji, tunajenga barabara ya Kasulu Road Ujiji, tunajenga barabara ya pembezoni mwa ziwa kutoka Forodha ya Ujiji mpaka Kikamba ( Bangwe ) na tunahimiza ujenzi wa barabara ya Bangwe - Ujiji kupitia TANROADS.
Mimi binafsi nimezungumza na kukubaliana na Waziri wa Elimu Ndg. Joyce Ndalichako kuhusu kuanzisha Chuo kikubwa cha Ufundi Ujiji ( Ujiji Technical School ) kitakachokuwa na wanafunzi 5000.
Zaidi ya yote kuna Uwekezaji mkubwa kutoka kampuni moja kubwa kutoka Shanghai, China kujenga na kuendesha Mradi wa Ujiji City ( trade and logistic center ) ambao utajenga maduka 3000, nyumba za kisasa za makazi na maghala ( warehouses). Lengo ni kuifanya Ujiji ni kituo cha biashara katika eneo la Maziwa Makuu.