SERIKALI KUANZISHA BODI YA WALIMU ILIKUJUA WALIMU FEKI

Serikali ipo katika hatua za mwisho za kukamilisha utaratibu wa sheria,ya kuanzisha Bodi ya usajili wa walimu nchini, ambayo itasimamia masuala yote ya walimu kitaaluma,uendelezaji na maadili ya kazi za ualimu,na pia kudhibiti wimbi la walimu bandia nchini ambapo hivi sasa kumezuka tabia ya watu kujiita walimu, na kuanzisha shule katika mazingira yasiyofaa.

Naibu Waziri wa Elimu, Sayansi, Teknolojia na Ufundi Mhandisi Stella Manyanya, ameyasema hayo wakati alipokuwa akifunga mafunzo ya walimu wanaofundisha darasa la tatu na la nne,masomo ya Kiswahili, Kiingereza na hisabati katika mikoa ya Rukwa na Katavi, na kwamba licha ya hatua hizo kuboresha suala la utoaji wa elimu nchini,lakini pia Wizara imepanga kuwabana maafisa udhibiti ubora wa elimu katika ngazi zote, ili wasimamie walimu katika suala zima la ufundishaji.

Kwa upande wake Mratibu wa mafunzo wa wakala wa maendeleo ya uongozi wa elimu Adem Bw Nyakeko Francis,amesema mafunzo hayo ambayo yamewagusa zaidi ya walimu elfu moja kwenye mikoa ya Rukwa na Katavi, yanalenga katika kusoma kuandika na kuhesabu, ili hatimaye asiwepo mtoto yeyote anayemaliza shule ya msingi asiyejua kusoma na kuandika kama ilivyo hivi sasa.